2025 साठी खरीप हंगामात फळपिक विमा योजना अर्थात मृपहार फळ विमा योजना सुरू करण्यात आलेली आहे. या योजनेमध्ये यंदा अनेक महत्त्वाचे बदल करण्यात आले असून अर्ज प्रक्रिया देखील सुरू झालेली आहे. या योजनेचा लाभ घेण्यासाठी सर्वात महत्त्वाची अट म्हणजे शेतकऱ्यांकडे फार्मर आयडी असणे आवश्यक आहे. अर्ज करताना शेतकऱ्याचा आधार कार्ड व्हेरिफाय केल्यानंतर फार्मर आयडी ऑटोमॅटिक तयार होतो आणि तो असल्यासच अर्ज स्वीकारला जाईल.
मित्रानो, आमचा WhatsApp ग्रुप जॉइन करा!
द्राक्ष, पेरू, लिंबू, संत्रा, मोसंबी, सीताफळ आणि डाळिंब या फळपिकांसाठी ही योजना लागू करण्यात आलेली आहे. या योजनेअंतर्गत शेतकऱ्यांची फळबाग उत्पादनक्षम वयात असणं बंधनकारक आहे. काही फळपिकांसाठी तीन वर्षे, काहींसाठी पाच वर्षे उत्पादनक्षम वय आवश्यक आहे. तसेच अर्ज करताना बागेचा जिओ टॅगिंग केलेला फोटो अपलोड करणे गरजेचे आहे.
या योजनेमध्ये सहभागी होण्यासाठी शेतकऱ्यांची ईपीक पाहणी झालेली असणे आवश्यक आहे. ज्यांच्याकडून ईपीक पाहणी झाली आहे त्यांचाच डेटा या योजनेत ग्राह्य धरला जाणार आहे. जर पाहणी झाली नसेल तर पुढील कालावधीत म्हणजे जून, जुलै आणि ऑगस्ट महिन्यात ती करून घ्यावी लागेल. योजनेत अर्ज करताना आधार कार्ड, बँकेशी लिंक असलेलं खाते, सातबारा उतारा, फार्मर आयडी, जिओ टॅगिंगचा फोटो आणि ईपीक पाहणी यांचे दस्तऐवज अनिवार्य आहेत.
🍇 कोणकोणत्या फळपिकांसाठी विमा उपलब्ध आहे?
- द्राक्ष
- पेरू
- लिंबू
- संत्रा
- मोसंबी
- सीताफळ
- डाळिंब
या योजनेचा उद्देश हवामानातील असामान्य बदलांमुळे जसे की कमी पाऊस, अति पाऊस, खंडित पाऊस किंवा जास्त आर्द्रता यामुळे होणाऱ्या फळबागेच्या नुकसानीसाठी शेतकऱ्यांना विमा संरक्षण देणे हा आहे. ही योजना ऐच्छिक स्वरूपात आहे म्हणजे शेतकऱ्यांनी स्वतःहून इच्छेनुसार अर्ज करायचा आहे. फळपिकाप्रमाणे विमा हप्त्याचे दर वेगळे असून प्रत्येक शेतकरी चार हेक्टरपर्यंत क्षेत्रासाठी विमा भरू शकतो.
| फळपिक | अंतिम मुदत |
|---|---|
| लिंबू, द्राक्ष, पेरू, संत्रा | 14 जून 2025 |
| मोसंबी, चीकू | 30 जून 2025 |
| डाळिंब | 14 जुलै 2025 |
| सीताफळ | 31 जुलै 2025 |
लिंबू, द्राक्ष, पेरू, संत्रा या फळपिकांसाठी अर्ज करण्याची अंतिम तारीख 14 जून, मोसंबी आणि चीकूसाठी 30 जून, डाळिंबासाठी 14 जुलै आणि सीताफळासाठी 31 जुलै 2025 निश्चित करण्यात आलेली आहे. या तारखांपूर्वी अर्ज पूर्ण करणे गरजेचे आहे.
