Indian Railways Bharti 2026 : देशातील सर्वात मोठ्या सरकारी रोजगार देणाऱ्या संस्थांपैकी एक असलेल्या भारतीय रेल्वेमध्ये नोकरीची तयारी करणाऱ्या तरुणांसाठी मोठी संधी उपलब्ध झाली आहे.
रेल्वे भरती मंडळाने (RRB) सहाय्यक लोको पायलट (ALP) पदांसाठी तब्बल ११,१२७ रिक्त जागांची भरती जाहीर केली आहे. रेल्वे मंत्रालयाकडून या भरती प्रक्रियेला मंजुरी देण्यात आली असून, देशातील १७ रेल्वे झोनमध्ये ही भरती होणार आहे.
अर्ज प्रक्रिया कधी सुरू होणार?
या भरतीसाठी ऑनलाइन अर्ज प्रक्रिया १५ मे २०२६ पासून सुरू होणार आहे. इच्छुक उमेदवारांना १४ जून २०२६ रोजी रात्री ११:५९ पर्यंत अर्ज करता येणार आहेत. उमेदवारांनी अर्ज करण्यापूर्वी सविस्तर जाहिरात आणि पात्रता निकष काळजीपूर्वक वाचणे आवश्यक आहे.
कोणत्या झोनमध्ये सर्वाधिक जागा?
रेल्वेने जाहीर केलेल्या माहितीनुसार काही प्रमुख झोनमध्ये मोठ्या प्रमाणात पदे उपलब्ध आहेत.
ईस्ट कोस्ट रेल्वे – १६२५ पदे
साऊथ ईस्टर्न रेल्वे – १५३१ पदे
सेंट्रल रेल्वे – १४०० पदे
याशिवाय देशातील इतर रेल्वे झोनमध्येही भरती केली जाणार आहे. उमेदवारांना त्यांच्या पसंतीच्या झोननुसार अर्ज करता येईल.
शैक्षणिक पात्रता काय?
सहाय्यक लोको पायलट पदासाठी अर्ज करणाऱ्या उमेदवारांनी किमान दहावी उत्तीर्ण असणे आवश्यक आहे. त्यासोबत संबंधित ट्रेडमध्ये ITI प्रमाणपत्र असणे गरजेचे आहे. फिटर, इलेक्ट्रीशियन, डिझेल मेकॅनिक यांसारख्या ट्रेडना प्राधान्य दिले जाईल.
याशिवाय अभियांत्रिकीतील डिप्लोमा किंवा बीई/बीटेक केलेले उमेदवार देखील अर्जासाठी पात्र असतील.
वयोमर्यादा
अर्जदाराचे वय १८ ते ३० वर्षांच्या दरम्यान असावे. राखीव प्रवर्गातील उमेदवारांना शासनाच्या नियमानुसार वयोमर्यादेत सवलत दिली जाईल.
निवड प्रक्रिया कशी असेल?
या भरतीसाठी उमेदवारांची निवड विविध टप्प्यांद्वारे केली जाणार आहे.
CBT 1 – पहिली संगणक आधारित परीक्षा
CBT 2 – दुसरी संगणक आधारित परीक्षा
CBAT – अभियोग्यता चाचणी
कागदपत्र पडताळणी
वैद्यकीय तपासणी
सर्व टप्पे यशस्वीरित्या पूर्ण करणाऱ्या उमेदवारांची अंतिम निवड केली जाईल.
अर्ज कुठे करायचा?
इच्छुक उमेदवार अधिकृत वेबसाइटवर जाऊन ऑनलाइन अर्ज करू शकतात.
rrbapply.gov.in
उमेदवारांनी अर्ज करण्यापूर्वी CEN No. 01/2026 ची अधिकृत अधिसूचना काळजीपूर्वक वाचावी.
